Ki‘i pōhaku
Pōhaku ‘elekū
Ko Mō‘ī Wahine Emma Waiwai Ho‘oilina, makahiki ‘umikumamāiwa me ‘eono
Ua ho‘omana ‘ia nā akua a me nā ‘aumākua Hawai‘i ma nā ‘ano a pau, a ‘o ka ho‘omana ‘ana iā lākou ma o ke kālai ‘ana i kekahi mea. ‘O kekahi o kēia mau mea, kālai ‘ia a kū i ke ‘ano akua ki‘i, a ‘o kekahi ‘a‘ole nō like kona ‘ano he akua ki‘i, a hiki nō ke ho‘ohana ‘ia e like me kāna hana i mana‘o ‘ia ai. ‘O ke akua i maopopo ‘ia nona ka inoa ‘o Kaneikokala, mehe mea lā, hiki nō ke ‘ike pono ‘ia kona ‘ano mehe pōhaku lā.
Ma nā wahi like ‘ole o ka Hale Hawai‘i, loa‘a nō nā ki‘i i kālai ‘ia me ka pōhaku a me ka papa. Nā ‘ano moena like ‘ole i ulana ‘ia mai nā ‘ano a‘a mea kanu like ‘ole, ua ulana ‘ia e ka po‘e Hawai‘i, a ho‘onaninani ‘ia me nā hulu li‘ili‘i waiho‘olu‘u o nā manu. ‘O kekahi o kēia mau hulu manu, he mau hulu waiwai nō ia ma muli o ke kāka‘ikahi o ka loa‘a ‘ana a me kona hopu ‘ia ‘ana a hukihuki ‘ia nā hulu no ka hana ‘ana i ka ‘ahu‘ula o nā ali‘i a i ‘ole i kekahi mau akua. ‘O kekahi mau ki‘i i kālai ‘ia, ua hāpai lima ‘ia a ‘o kekahi o nā ki‘i he mau ki‘i nunui nō ia a he mau ki‘i lā‘au nō ia no ka waiho ‘ana ma kekahi wahi pa‘a loa.
‘Oiai, ‘o ko lākou hana ‘ia ‘ana no ka ho‘okohu ‘ana i nā akua Hawai‘i, eia na‘e, ‘o ko lākou hana ‘ia ‘ana, i mea e mālama ai i ka mana o ia akua ki‘i. Inā makemake kekahi kahuna e noho i akua ki‘i ma ia wahi, ua mālama ‘ia kekahi ‘ano hana a me nā oli no ke alaka‘i ‘ana i kekahi ‘uhane i loko o ua akua ki‘i ala. I kekahi manawa, ua hiki nō ke ho‘opuka ‘ia ua ‘uhane ala mai loko mai o ua akua ki‘i ala me nā ‘ano hana a me nā oli i oli ‘ia no ia hana.
I ka ho‘oponopono hou ‘ia ‘ana o ka Hale Hawai‘i a ho‘opa’a ‘ia i ka makahiki ‘elua kaukani a me ‘eiwa, ua ho‘ā‘o ka po‘e lima hana o ka hale hō‘ike‘ike e ho‘one’e i ke ki‘i o Kaneikokala ma o ka lawe ‘ana mai ia hale mai. Ua lawe ‘ia mai ua ki‘i ala i ka Hale Hō‘ike‘ike ‘o Bīhopa i ka makahiki ‘umikumamāiwa a me ‘eono i mea e waiho pa‘a ai iā ia ma kahi ona e kū nei a hiki ‘ole ke ho‘one‘e ‘ia i ka wā ho‘okahi o ka ho‘oponopono hou ‘ana i ka Hale Hawai‘i.