Waʻa kaulua
He waʻa Hawaiʻi i kāpili ʻia me ʻelua waʻa
Ka lāʻau koa a me ke olonā niu
Nā makahiki mua loa o ke kenekulia iwakālua
ʻO ka waʻa, ʻo ia ka mea i hoʻohana ʻia no ka hoʻohui ʻana i nā mokupuni o Hawaiʻi nei. Hiki nō i ka waʻa ke holo me ka ʻāwīwī loa, a maʻalahi nō ka hoʻokele ʻana, a he moku nō ia e hiki ai ke holo ma ke kai no ka halihali ʻana i nā kānaka lawaiʻa, nā kānaka koa, ka mea ʻai, nā nū hou, a pau pū me nā mea e kālewa aku ai - a pau pū me nā pono like ʻole e halihali no ka pono o ka nohona.
No kēlā me kēia poʻe ʻōiwi o ka Pākīpika, ʻokoʻa ke ʻano o kā lākou waʻa i hana ai, ua hoʻohana pū lākou i nā mea o ko lākou wahi a me nā mea e pono ai. ʻO Hawaiʻi naʻe, ʻaʻole i kū like me nā wahi a pau o Polenekia nei, ua pōmaikaʻi maoli nō ʻo Hawaiʻi nei ma o ka loaʻa ʻana o nā ulu lāʻau me nā kumu lāʻau nunui a hiki nō ke kālai ʻia kekahi waʻa mai ke kumulāʻau hoʻokahi o nā kumu koa. ʻAʻole pēlā ma Tahiti, ua hoʻopilipili pono ʻia nā lāʻau papa a pau a hoʻopaʻa ʻia a loaʻa mai kekahi waʻa.
Ua hoʻokumu ʻia ka waʻa kaulua Hawaiʻi mai nā waʻa kaukahi o ka Pākīpika. ʻO ke ama, he mea ia e hoʻolana ai i ka waʻa ma ka ʻaoʻao hema o ka waʻa me ka ʻiako. Ma ka waʻa kaulua, kapa ʻia ka mea hoʻolana waʻa ma ka ʻaoʻao hema he ama, akā loaʻa nō ka pola ma waena o ka ʻiako a me ka waʻa o ka ʻaoʻao ʻākau, i hiki i ka waʻa ke halihali i nā ukana a me nā ʻōhua i ʻole e pulu i ke kai.
ʻO ka waʻa kaulua nui, he mau waʻa holoholo nō ia. Me ia mau waʻa kaulua i hiki ai i ka poʻe Polenekia ke holo ma kahi o ʻelua kaukani a ʻoi mau mile ka mamao ma waena o nā pae ʻāina o ka Pākīpika. I nā makahiki ʻumikumamāiwa kanahiku, ʻo Hōkūleʻa - kekahi waʻa kaulua mua loa - i kū i kekahi waʻa kaulua nui i kālai ʻia ma Hawaiʻi nei. Ma ia ʻike ʻana iā Hōkūleʻa, ua nui ka poʻe i hoihoi i ia ʻano waʻa kaulua e like me Hōkūleʻa, no laila, ua kālai ʻia he mau waʻa kaulua ma Nūkōlani, Tahiti, nā moku o Cook, a me nā mokupuni ʻē aʻe kekahi.