ʻAhuʻula
Nā hulu o ka moa, ka ʻōʻō, a me ka ʻiʻiwi ma luna o ka ʻupena olonā
Mai ka waihona waiwai a James T. Hooper, makahiki ʻumikumamāiwa kanahikikumamāhiku
ʻO nā ʻahuʻula hulu manu Hawaiʻi, ua ʻaʻahu wale ʻia e nā aliʻi me ke kūlana aliʻi. Ma o ka hoʻohana ʻana i nā hulu manu o nā manu liʻiliʻi o uka e like me ka manu ʻiʻiwi nona ka hulu ʻulaʻula a me ka manu ʻōʻō a i ʻole nā manu mamo no lākou ka hulu melemele, he loina Hawaiʻi ia e hōʻike ai i ka hōʻailona o ke kūlana kiʻekiʻe o ka poʻe aliʻi. Pēlā pū hoʻi, ʻo nā hulu manu i hoʻohana ʻia mai nā manu o ka ʻāina o lalo a me nā manu noho o kai, he hoʻailona ia e hōʻike ai i ke kūlana haʻahaʻa o ke aliʻi.
No kēia ʻano ʻahuʻula, ua hoʻohana ʻia nā hulu manu o nā manu o ka ʻāina o lalo wale nō.
No kēia ʻano ʻahuʻula, ua hana ʻia me nā hulu moa mākuʻe me kaʻeleʻele hinuhinu, a me nā hulu kākaʻikahi hoʻi ka loaʻa ʻana ʻo ia hoʻi nā hulu manu ʻulaʻula me ka melemele, i hana ʻia ma ka lihi o ka ʻāʻī. ʻOiai ua hana ʻia kēia ʻahuʻula me nā hulu manu maʻamau, ʻo ia paha ka ʻahuʻula kahiko loa i loko o ka Hale Hōʻikeʻike o Bīhopa. Ua lawe ʻia ua ʻahuʻula ala i ʻEnelani mai Hawaiʻi aku ma luna o ka moku o Kāpena Kuke ma waena o nā mokupuni o Hawaiʻi i ka makahiki ʻumikumamāhiku kanahikukumamāwalu a hiki i ʻumikumamāhiku kanahikukumamāiwa. No ia kumu i kapa ʻia ai kēia ʻahuʻula "ka ʻahuʻula o Kāpena Kuke."
Ua kūʻai mai ka Hale Hōʻikeʻike o Bīhopa i ia ʻahuʻula o Kāpena Kuke i ka makahiki ʻumikumamāiwa kanahikukumamāhiku mai ka waihina waiwai a James T. Hooper ma ʻEnelani. ʻO Hooper kekahi kanaka i hoʻāhu nui i nā mea waiwai kahiko o ka Pākīpika i kona wā e ola ana a hiki i kona hala ʻana i ka makahiki ʻumikumamāiwa kanahikikumamākahi. Ma hope iho o kona hala ʻana, ua kūkālā ʻia kona mau mea waiwai kahiko a pau e Christieʻs London.