Bishop Museum Mobile Tours

Ho‘ohuli Hou
Pena ki‘i ma ka pepa ma luna o kanahā mau papa holo papa ‘ula‘ula, makahiki ‘elua kaukani me ‘elima
Ke ki‘i ākea i pena lima ‘ia i alaka’i pū ‘ia e Meleana Aluli Meyer me nā haumāna mai ke kula ‘o Hakipu‘u Learning Center, ke kula ‘o Hālau Lōkahi, ke kula ‘o Kamehameha, ke kula ‘o Punahou, ke Kula ‘o Samuel M. Kamakau, a me ke kula nui o Hawai‘i.

E iho ana ‘o luna
E pi‘i ana ‘o lalo
E hui ana nā moku
E kū ana ka paia

Penei nō ka wānana a Kapihe, kekahi kanaka i ola i ka wā o Kamehameha ‘Ekahi. Ua wānana pū ‘o ia i ka ho‘okahuli ‘ia ‘ana o ke aupuni Hawai‘i - a me ka loli ‘ana o ka hana kālai’āīna - eia na‘e, ‘o kēia oli, pili nō i nā mea i hana ‘ia i kēlā wā a hiki i kēia wā. Lohe nui ‘ia kēia oli ma nā ‘ākoakoa ‘ana o nā Hawai‘i no ka hō‘ike ‘ana aku i ka lehulehu, ‘oiai, kā‘ili ‘ia ke aupuni Hawai‘i a me ka ho‘okahuli aupuni, eia na‘e, ‘o ka po‘e Hawai‘i, aia nō lākou i ‘ane‘i. Ke kūpa‘a mau nei nō lākou ma ke ‘ano he kaiaulu Hawai‘i, ‘a’ole no nā hana i hana ‘ia, akā ma muli o nei hana.

I ka makahiki ‘elua kaukani me ‘elima, aia he iwakālua a ‘oi mau haumāna Hawai‘i kahaki‘i i ‘ākoakoa pū ma lalo o ke alaka‘i o Meleana Aluli Meyer, kekahi mea kaha ki‘i, no ke kūkākūkā ‘ana i nā mana‘o nui no ke oli a Kapihe i wānana ai. Ma loko o ia oli, ‘ike ‘ia kā Māui makau e pi‘i ana i luna mai lalo mai o ke kai, e helele‘i mai ana ka ua, a me nā ‘ahu’ula o nā ali‘i a me nā maka‘āinana o ka ‘āina e kūkulu like ana i ke kahua. I loko nō o ‘umi mau pule, ua pena ‘ia kēia mau mana‘o o ke oli ma luna o kēia mau papa holo papa ‘ula’ula he kanahā. He ki‘i kupaianaha kona ‘ano, a ‘o kēia mau papa ki‘i i pena lima ‘ia he kanahā, he mea ia e ho‘okomo ai i ka hoihoi i loko o nā hanauna hou e ne‘e nei.