Ka Lumi Hōʻikeʻike Kiʻi o nā Pono Hale
Aia ma kahi o ka ʻelua haneli kanalima kiʻi pena ʻia ma ka pena ʻaila a ʻehā kaukani a ʻoi aʻe kiʻi kaha ʻia ma ka pepa ma ka waihona hana noʻeau o ka Hale Hōʻikeʻike ʻo Bīhopa. Ua hōʻikeʻike ʻia nā mea o kēia waihona hana noʻeau ma ka lumi hōʻikeʻike kiʻi me ko ka hale hōʻikeʻike waihona o nā mea kuluma mai ka makahiki ʻumikumamāwalu kanaiwakumamākahi, ka wā hoʻi ia i wehe mua ʻia ai ka ʻīpuka o ka hale hōʻikeʻike no ke kipa ʻana o nā malihini a i kona hoʻopaʻa ʻia i ka makahiki ʻumikumamāiwa kanakolukumamāono. Ua hoʻoponopono ka hale hōʻikeʻike ʻo Bīhopa i ka lumi hōʻikeʻike kiʻi a wehe hou mai i kona ʻīpuka no ka lehulehu i ka makahiki ʻelua kaukani me ʻehiku me ka hōʻikeʻike pū i nā haʻawina kōkua no ka nānā ʻana e laʻa me nā aka kiʻi. He hoʻāʻo kēia e hoʻihoʻi aku i ke ʻano o ka lumi hōʻikeʻike kiʻi i kona wehe mua ʻia ʻana. I mea hoʻi i ʻoi aʻe ai ka maikaʻi o ke kipa ʻana i ia lumi, ua hoʻokomo ʻia nō hoʻi nā ʻano lako hale mai ka waihona mai o ka Hale Hōʻikeʻike ʻo Bīhopa e like me nā pahu hōʻikeʻike papa aniani i hoʻonoho ʻia pili i ka hūlili.
He keʻena waihona kupaianaha - He mea maʻa mau ka ʻike ʻana i ke keʻena waihona kupaianaha ma nā hale o ka makahiki kenekulia ʻumikumamāiwa. He keʻena waihona ia no nā mea kahiko a me nā mea kupainaha a makamae hoʻi. He hiki ke hoʻomau ʻia kēia loina o ka hale hōʻikeʻike, ʻo ia hoʻi ka hōʻikeʻike ʻana i nā hana lima noʻeau i hōʻike pū ʻia ma ka waihona o nā mea kuluma ma muli o ka hōʻikeʻike ʻana i ke keʻena waihona i hana ʻia i ka makahiki ʻumikumamāwalu kanawalukumamāhā e Alfred Geffrey me nā papa walanuka me ka sila o ke aupuni Hawaiʻi i kālai ʻia ma luna ona.
He kū nā wahi e noho ai ma ka lumi hōʻikeʻike kiʻi i ke ʻano hoʻokāhiko hale no loko o Hawaiʻi ma mua. ʻO nā noho papa lāʻau nui nā noho mua loa i waenakonu o ka Hale Hawaiʻi. Ua hana ʻia ke kokī koa kaila kua miomio e Henry Weeks Jr. no Hilo, Hawaiʻi mokupuni. Ua hana ʻia kēia ʻano noho me ke kua miomio no ka hoʻopili ʻana i ka hōʻailona mele a ua kaulana ia ʻano mau noho i nā makahiki ʻumikumamāwalu kanaiwa a i ka neʻe hou ʻana mai i nā makahiki o ke kenekulia hou.
He kū nā pākaukau ʻelua ma ka lumi no ke kaila o nā lako hale i makemake ʻia ma Hawaiʻi i nā makahiki hope o nā makahiki kenekulia ʻumikumamāwalu haneli. Wahi a ka lohe, ua hana lima ʻia ke pākaukau huinawalu e William Menzel, he kanaka Kelemānia hana pahu waihona e noho ana ma Honolulu i ia manawa. Ua kaulana maoli nō kēia ʻano pākaukau a ʻike ʻia nō ma nā hale he nui ma Hawaiʻi. Wahi a ka lohe, ʻo ka lua o nā pākaukau ke pākaukau o ko Charles Reed Bishop hale e kū ana ma ke alanui ʻo Emma. Na Bishop nō, ka mea nāna i hoʻokumu i ka hale hōʻikeʻike, i makana mai i ia pākaukau.